Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 45.22 | Dem. 45.25 (English) | >>Dem. 45.28 |
45.24ἔτι τοίνυν , ὦ ἄνδρες Ἀθηναῖοι , ὡς γέγραπταί τις ἂν ἐξετάσας τὴν μαρτυρίαν γνοίη παντελῶς τοῦτο μεμηχανημένους αὐτούς , ὅπως δικαίως καὶ ἀδίκως δόξει ταῦθʼ ὁ πατὴρ οὑμὸς διαθέσθαι . λαβὲ δʼ αὐτὴν τὴν μαρτυρίαν , καὶ λέγʼ ἐπισχὼν οὗ ἄν σε κελεύω , ἵνʼ ἐξ αὐτῆς δεικνύω .ἐπίσχες .ἐνθυμεῖσθʼ ὅτι “τῶν διαθηκῶν ” γέγραπται “τῶν Πασίωνος .” καίτοι χρῆν τοὺς βουλομένους τἀληθῆ μαρτυρεῖν , εἰ τὰ μάλιστʼ ἐγίγνεθʼ ἡ πρόκλησις , ὡς οὐκ ἐγίγνετο , ἐκείνως μαρτυρεῖν . λέγε τὴν μαρτυρίαν ἀπʼ ἀρχῆς πάλιν .Μαρτυροῦμεν · παρῆμεν γὰρ δή · λέγε .Καὶ τοῦτο , εἴπερ προὐκαλεῖτο , ὀρθῶς ἂν ἐμαρτύρουν .ἔχʼ αὐτοῦ .οὐδʼ ἂν εἷς ἔτι δήπου τοῦτʼ ἐμαρτύρησεν , εἰ μή τις καὶ παρῆν διατιθεμένῳ τῷ πατρὶ τῷ ἐμῷ · ἀλλʼ εὐθὺς ἂν εἶπε “τί δʼ ἡμεῖς ἴσμεν εἴ τινές εἰσι διαθῆκαι Πασίωνος ;” καὶ γράφειν ἂν αὐτὸν ἠξίωσεν , ὥσπερ ἐν ἀρχῇ τῆς προκλήσεως “εἰ μή φημʼ ἐγὼ ἀντίγραφα εἶναι τῶν διαθηκῶν ”, οὕτως “ὧν φησι Φορμίων Πασίωνα καταλιπεῖν ”, οὐ “τῶν Πασίωνος .” τοῦτο μὲν γὰρ ἦν εἶναι διαθήκας μαρτυρεῖν , ὅπερ ἦν τούτοις βούλημα , ἐκεῖνο δὲ φάσκειν Φορμίωνα · πλεῖστον δὲ δήπου κεχώρισται τό τʼ εἶναι καὶ τὸ τοῦτον φάσκειν .
Μαρτυρία
μαρτυροῦσι παρεῖναι πρὸς τῷ διαιτητῇ Τεισίᾳ ,ὅτε προὐκαλεῖτο Φορμίων Ἀπολλόδωρον ,εἰ μή φησιν ἀντίγραφα εἶναι τῶν διαθηκῶν τῶν Πασίωνος —
45.25
Μαρτυρία
μαρτυροῦσι παρεῖναι πρὸς τῷ διαιτητῇ Τεισίᾳ —
ὅτε προὐκαλεῖτο Φορμίων Ἀπολλόδωρον —
εἰ μή φησιν ἀντίγραφα εἶναι τῶν διαθηκῶν τῶν Πασίωνος —
45.26
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 45.22 | Dem. 45.25 (English) | >>Dem. 45.28 |